ماث 1 هندسة اسكندرية (شيتات - ميد - فاينل)
كورس ماث 1 هندسة اسكندرية (شرح باختصار - حل شيتات - امتحانات الميد والفاينل السابقة )
Ratings 4.61 / 5.00
What You Will Learn!
- حل شيتات ماث 1
- حل امتحانات الميدترم السابقة
- حل امتحانات الفاينل السابقة
- شرح أساسيات اللى محتاجينها فى المادة
- التعرف على أكتر من طريقة لحل المسائل
Description
شباب دفعة هندسة الجديدة ان شاء الله تكونوا بخير
انا م/ عمرو عبد الحميد دفعة 24 قسم حاسبات ، وحابب اقدملكم كام نصيحة تساعدكم السنادى وفى الكلية عموما
الفرق بين اعدادى هندسة وثانوي ، ان الثانوي بتتحاسب على امتحان واحد بتحضرله طول السنة
اما فى الكلية فدرجتك متقسمة على كذا حاجة ، اولها درجات اعمال السنة اللى بتاخدها فى السكاشن والمعامل واللى بتجبرك على المذاكرة اول باول ، والتانية درجة الميد ترم ودى من اهم الحجات اللى ممكن تبقى دافع كويس ليك ويساعدك جدا او يضرك جدا ، والتالتة الفاينل ، ال3 مهمين وال3 لازم تخرج منهم بأقل الخساير
من المشاكل برضه اللى هتواجها ، هو انك متعود فى ثانوي ان المنهج موحد على مستوى مصر كلها ، فانت ممكن تفتح اليوتيوب تختار عشرات المدرسين ، وده غير المدرسين اللى فى منطقتك اللى بيشرحوا وبيحلوا معاك اسئلة ومتاحين فى معظم الاوقات تقريبا عشان تسألهم
على عكس الجامعة ، اللى كل كلية فيها كائن منفصل عن غيره ، مناهجه بيحطه الدكاترة ، يعنى مناهج فى هندسة اسكندرية وامتحانتها بيكون غير مناهج هندسة القاهرة وامتحاناتها عادى جدا ، وده بيخلى المصادر اللى بتشرح نفس منهجك مقتصرة على الدكاترة او المعيدين سواء فى الكلية او اللى بعضهم بينشروه اونلاين مشكورين.
فيه بعض المواد زي الماث ، بتعتمد بشكل كبير على مهاراتك فى المادة فى ثانوي (المرحلة كلها مش 3 بس) ، وبتكون محتاج تراجعلها أساسيات المادة ، وتحل شيتاتها اول باول
عشان كدة نشرتلكوا كورس فيه حل الشيتات دى سؤال بسؤال مع مراجعة الاجزاء اللى محتاجينها فى المادة لحل الشيت ، الشيت بيتقسم لأجزاء وبيتشرح كل جزء لوحده ، ومش بيتم الاكتفاء بحل المسألة ، بتشوف بنفسك رسمة المسألة لو فيها رسمة ، وتتعلم ازاي تحلها باكتر من طريقة (بعض المسائل فى الشيت الاول اتحلت ب4 طرق) ، وبتتعلم اكبر قدر من الادوات اللى تخليك تستمتع بحل المسألة وتعرف مفهومها مش مجرد طريقة حلها ولم درجتها فى الامتحان بس
وبعد كل جزء كويز على الجزء ده تتأكد فيه من انك لميت كل النقط المهمة على الجزء ده (أول شيت عليه 4 كويزات) ، وتنقل على الجزء اللى بعده وهكذا ، والجزء اللى بتغلط فيه بيحفظه بحيث فى أي وقت تقدر تشوف غلطاتك فى الكويزات اللى حليتها وتصحيحها ايه
واهم حاجة ان الكورس بيتضمن كذلك شرح مسائل الميد والفاينل السابقة اللى هتحتاجها جدا فى الميد والفاينل
محتاج قبل الكورس أساسيات الرياضيات فى إعدادي وابتدائي فقط
الكورس ده بمقابل رمزي جدا ، وقبل ما تدفعه ، تقدر تشوف كام فيديو فى الكورس متاح لأي حد ، ومن غير ما تعقيدات ، تقدر تحصل على الكورس بأي فيزا أو ماستر كارد ليك أو لحد تعرفه ، وتملى بياناتها
بالتوفيق ليكم جميعا
Who Should Attend!
- students of engineering
