Learn Shop drawing: from Zero to Hero (أساسيات الشوب دروينج)
تعلم الـ (شوب دروينج) الإنشائي من البداية وحتى الإحتراف
Ratings 4.82 / 5.00
What You Will Learn!
- هتعرف المقصود بالـ (الشوب دروينج) الإنشائي وأهميته
- هتتعرف على إشتراطات الكود المصري للعناصر الخرسانية المختلفة
- هتعرف المعلومات الهامة اللي لازم تكون عند أي مهندس شوب دروينج
- هتتعلم ازاي ترسم تفاصيل تسليح اي حاجة باستخدام الورقة والقلم
- هتتعلم أغلب الأفكار اللي ممكن تقابلك في حياتك كمهندس شوب دروينج
- هتتعلم ازاي تعمل رسومات الورشة (شوب دروينج) بإستخدام برنامج الأوتوكاد العادي
- هتتعلم ازاي تعمل جداول تفريد الحديد بإستخدام برنامج الأكسيل
- هتتعلم ازاي تعمل لوحات الأبعاد الخرسانية
- هتتعلم ازاي تظبط تخانات الخطوط وتعمل قالب خاص للطباعة لكل مشروع
- هتتعلم ازاي تطبع اللوحات بشكل إحترافي جداً
- هتتعلم ازاي تظبط مقاس اللوحة وتظبط مقياس الرسم زي ما انت عايز
- هتتعلم ازاي تعمل اللوحات بشكلها النهائي بحيث تكون جاهزة للتسليم للإعتماد من الإستشاري
- هتتعلم ازاي تعمل رسومات الورشة (شوب دروينج) بإستخدام برنامج أوتوكاد إستراكشر
- هتتعلم ازاي تستورد ملف أوتوكاد داخل برنامج أوتوكاد إستراكشر
- هتتعلم ازاي تعمل جداول تفريد الحديد في برنامج أوتوكاد إستراكشر
- هتتعلم ازاي تصدر اللوحات من أوتوكاد إستراكشر إلى الأوتوكاد العادي
- هتتعلم ازاي تصدر جداول التسليح إلى برنامجي الأكسيل والوورد
- هتتعلم ازاي تعمل قالب على الوورد عشان تصدر عليه جداول تفريد الحديد
Description
في الكورس ده هنتعلم مع بعض أساسيات الشوب دروينج الإنشائي وإشتراطات الكود المصري للعناصر الخرسانية المختلفة وهنتعلم ازاي نرسم تفاصيل تسليح أي عنصر بالورقة والقلم بحيث تكون جاهز لأي انترفيو وكمان هنتعلم ازاي نعمل شوب دروينج كامل بشكل إحترافي على الأوتوكاد العادي وكمان أوتوكاد إستراكشر وهنتعلم ازاي نعمل جداول تفريد الحديد على الأكسيل وعلى أوتوكاد إستراكشر وازاي نصدرها للأكسيل والوورد وازاي نعمل تمبلت على الوورد فيه لوجوهات الاستشاري والمقاول.. الخ وبعدين نصدر عليه مباشرة ونطبع منه وهنتعلم كمان ازاي نعمل لوحات الأبعاد الخرسانية.. وفي آخر فصل من الكورس بنطبق على مشروع بسيط مصمم بالكود الامريكي على برنامج ASD
الفصل الأول - مرحلة جمع المعلومات
سوف نتعرف في هذا الفصل على أساسيات الـ (الشوب دروينج) وأشتراطات الكود المصري للعناصر الخرسانية المختلفة
الفصل الثاني - مرحلة تفريغ المعلومات
سوف نتعلم في هذا الفصل كيفية تفريد الحديد للعناصر الخرسانية المختلفة باستخدام الورقة والقلم وهناخد امثلة كتيرة جدا لتفاصيل مختلفة ممكن تقابلها في شغلك كمهندس شوب دروينج
الفصل الثالث - مرحلة تطبيق المعلومات
سوف نتعلم في هذا الفصل كيفية عمل شوب دروينج كامل على برنامج أوتوكاد للعناصر التي تناولها الفصل الثاني وهنعمل جداول تفريد الحديد على الاكسيل وده فصل مهم جدا ولازم تتعلم ازاي تعمل شوب دروينج بالكاد والاكسيل قبل ما تتعلم اي برامج تانية زي ASD \ TEKLA
الفصل الرابع - مرحلة إخراج اللوحات
سوف نتعلم في هذا الفصل كيفية قراءة رسومات التصميم وكيفية إخراج لوحات الشوب دروينج وأيضا كيفية التسليح على برنامج أوتوكاد إستراكشر ASD
Who Should Attend!
- كل المهتمين بمجال الـ (شوب دروينج) الإنشائي وخصوصاَ المبتدئين
- طلبة الفرقة الرابعة - قسم الهندسة المدنية
- المهندسين حديثي التخرج
- مهندسي المكتب الفني
