أنا أستاهل أحسن من كده
مهارات الثبات على الموقف، أو إزاي تطلب اللي انت عايزه في الشغل وفي البيت من غير ما تيجي على حق حد ولا حد ييجي على حقك
Ratings 0.00 / 5.00
What You Will Learn!
- اعرف إزاي تدافع عن موقفك بالأصول وبالحق
- مرن نفسك على جمل معينة تقدر تقولها في المواقف إللي فيها حد بيضايقك أو جي عليك أو على حقك
- ارفع ثقتك في نفسك أثناء أي مناقشة أو خلاف
- اقرا الناس اللي حواليك أحسن وافهم
Description
أهلا بيك/بيكي
طول عمري ما باحبش الغصب.. إن حد ياخد حاجة غصب مني أو من حد تاني، ولا بالكسوف.. يعني حد يلاقيني محترمه أو مكسوف أرد عليه فياخد حقي أو حق حد تاني..
بعد كده اتعلمت إن أخد الحق صنعة فابتديت أتعلم الصنعة دي وأول خطوة فيها إللي بيتسمى في الشركات مهارات الحزم أو الثبات على الموقف واللي اسمها بالإنجليزي
Assertiveness Skills
ودي غيرت حياتي وحياة الناس اللي دربتهم عليها أو عملت لهم كوتشينج عليها للأحسن.. وأتمنى لكم نفس التغير ده و أحسن منه
مهارات الثبات على الموقف دي مهارات أساسية لأي قائد أو مدير جديد أو حد عايز يترقى لدور إداري، وأولياء الأمور اللي عندهم ميل زائد للتسامح، وعموما أي شخص ممكن يكون خجول أو انطوائي أو بيحاسب على مشاعر الناس أكتر مما بيحاسبوا هم على مشاعره أو مشاعرها، وأخيرا وليس آخرا كل حد بيتهمه اللي حواليه إنه عنيف أو مش حساس لما بيحاول يوصل وجهة نظرهزز مهارات الثبات بتسمح للواحد يوصل وجهة نظره ويثبت عليها من غير ما يجور على حق غيره
مع الكورس ده تقدر
تقدر تفهم نفسك وأسلوب حوارك وإيه اللي ممكن يكون بيخسرك موقفك
تقدر تفهم اللي حواليك أحسن
تقدر تتخطى خوفك من إنك تزعل إللي حواليك لو قلت رأيك
تقدر تحافظ على حقوقك وفي نفس الوقت ما تجيش على حقوق الآخرين
تقلل الضغط النفسي من إحساس إنك مش مسموع أو إنك مش قادر تطلب اللي انت عايزه ومحتاجه في الشغل أو مع الأسرة والأصدقاء
تقدر تزود ثقتك بنفسك وثقة الآخرين فيك وفي قدراتك
حتى لو مش ح تكمل الكورس تعالى شوف الفيديوهات المفتوحة، ياللا بينا
Who Should Attend!
- كل شخص عايز يكون حقاني أكتر مع نفسه ومع الآخرين
- كل شخص بيحس إنه عيب إنه يطلب حقه في الشغل أو البيت
- أي حد خايف يخسر الناس أو يزعلهم لو قال لهم لأ أو طلب حقه منهم
