What You Will Learn!
- Այս դասընթացին դուք կսովորեք զեկույցների համար ստեղծել բարձրորակ, գեղեցիկ, գրավիչ և թեմատիկային համապատասխան դիզայն ունեցող սլայդներ:
- Կսովորեք աշխատել տեքստի, պատկերների, ուրվապատկերների, տեղեկատվության ճշգրիտ տեղաբաշխման հնարքների հետ:
- Կսովորեք բեռնել և պահպանել նկարներ, ներդնել ձևեր, նկարներ, ուրվապատկերներ, պատկերակներ, հղումներ:
- Կստանաք հավաստագիր:
- Կսովորեք աշխատել ֆոնի հետ:
Description
Microsoft Office հավելվածների հայալեզու առցանց դասընթացներ, որոնք հնարավորություն կտան հայախոս օգտատերերին ձեռք բերել գիտելիքներ՝ այս դեպքում՝ տիրապետել PowerPoint ծրագրին, և ունենալ տեխնոլոգիապես զարգացած դարաշրջանին համապատասխան հմտություններ, աշխատանքային նոր հնարավորությունների հեռանկարներ։
Դասընթացից օգտվողները կկարողանան կատարել գործառական առաջադրանքներ և ուղղել հարցեր։
Դասընթացը վճարովի է։ Վճարման կարգին կծանոթանաք այժմ գնել /buy now/ կոճակը սեղմելուց հետո։
Ավարտելով առաջին ամբողջական դասընթացը՝ Դուք կունենաք բավականաչափ գիտելիք՝ աշխատելու տեքստերի, նկարների, ձևերի, ֆոնի և այլ գործիքների հետ, և ստեղծելու գովազդ, բրոշյուրներ, զեկույցներ։
PowerPoint ծրագրով կատարելագործվելու գաղտնիքը փորձառությունն է։
Դասերի ընթացքում կազմում ենք 4 սլայդ, որոնք ցուցադրված են ներածական հոլովակում։
Այս դասընթացը յուրօրինակ է ոչ միայն իր տեսակով, այլ նաև մատուցման ձևով։
Դասընթացի բաժիններն են․
Ներածություն
Առաջին՝ Վերնագրային Սլայդ
Երկրորդ՝ Բովանդակային Սլայդ
Երրորդ՝ Բովանդակային Սլայդ
Չորորդ՝ Ամփոփիչ Սլայդ
Բոնուս Դասընթաց
Ինչպե՞ս և Ի՞նչ Ֆորմատով Պահպանել PowerPoint Զեկույցը
Վերջաբան
Յուրաքանչյուր բաժին ունի իր ենթաբաժինները, որտեղ առանձին հոլովակներով ներկայացվում է այն գործիքակազմը, որը անհրաժեշտ է սլայդ ստեղծելու համար։ Դասընթացի այս ձևաչափը հնարավորություն կստեղծի գործիքի հետ աշխատելու տեխնիկան մոռանալու դեպքում փնտրել անհրաժեշտ գործիքով աշխատելու հոլովակը և վերհիշել։
Բոլոր ենթաբաժիններից ներքև կարող եք գտնել հակիրճ ինֆորմացիա այն մասին, թե ինչ կսովորեք տվյալ դասին։
Դասերի ընթացքում ուշադրություն դարձրեք բեռնվող ռեսուրսներ /resources/ կոճակին, որտեղ կարող եք գտնել պատկերներ, կայքեր և զեկույցի մեկ նմուշ:
Դասընթացն ամբողջությամբ ավարտելուց հետո էջի վրա կհայտնվի կանաչ մրցանակային գավաթ՝ տեղեկացնելով, որ ավարտական վկայականը պատրաստ է:
Դասընթացն ամբողջական ավարտած օգտատերերին Udemy օնլայն կրթական հարթակը տալիս է ավարտական վկայական, որը կարող եք բեռնել որպես pdf կամ jpg ֆայլ։
Հավաստագրերը ցույց են տալիս ձեր ձեռքբերումները, սակայն չեն կարող օգտագործվել պաշտոնական հավատարմագրման համար:
Կայքում կարող եք թողնել Ձեր կարծիքները և գնահատականները։
Who Should Attend!
- Դասընթացն ուսանելի է սկսնակների, ինչպես նաև ծրագրին որոշակիորեն տիրապետողների համար, ովքեր ցանկանում են լիարժեք օգտագործել PowerPoint ծրագիրը և սովորել զեկույցներ՝ պրեզենտացիաներ պատրաստել։
- Դասընթացը մատչելի է տարիքային բոլոր խմբերի համար՝ անկախ նախասիրություններից կամ ընտրած մասնագիտությունից։
