Kibertəhlükəsizlikdə Python Proqramlaşdırma dilinin önəmli bir yeri olduğuna görə bir Kibertəhlükəsizlik mütəxəssisi olaraq Python proqramlaşdırma dilinin əsaslarını öyrənməyə başladım.
Youtube və digər online platformalarda Python haqqında Azərbaycan dilində materialın olmaması və ya dağınıq bir şəkildə olmasını nəzərə alaraq həmçinin öyrəndiyim biliklərin digər öyrənmək istəyən şəxslərə faydalı olması üçün, bu kursu çəkməyi qərara aldım.
Kursun əsas strukturu onun həm nəzəri həm də praktiki hissələrinin olmasıdır. Lakin kursda praktiki hissələrə daha çox yer verilmişdir. Bütün bölmələri əhatə edən midterm dərsləri buna əsas sübutdur. Kursun digər fərqli xüsusiyyətlərindən biri də bütün dərslərin müddətin ən az 20 dəqiqədən uzun olmasıdır. Səbəbi isə bütün keçirilən bölmələr haqqında detallı bəhs olunmasıdır.
Bundan əlavə Python hal-hazırda günümüzdə demək olar ki, bütün sahələrdə sıx istifadə olunan proqramlaşdırma dilidir. Süni İntellekt sahəsində hal-hazırda Python digər rəqiblərindən açıq-aşkar öndədir. Gələcəkdə Süni İntellektin hansı səviyyədə tələb olunacağını nəzərə alsaq düşünürəm ki, Pythonun gələcəyinin hansı vəziyyətdə olacağını təxmin etmək elə də çətin deyil.
Bu kurs sizə yalnız Python'un əsaslarını öyrətməklə yanaşı gələcək karyeranız üçün ən yaxşı bələdçilərinizdən biri olacaq. WhatsApp Community qrupumuza qoşularaq istənilən sualınızı həm qrupa həm də birbaşa mənə şəxsidən ünvanlaya bilərsiniz. Nəinki kursla bağlı yaranmış problemləriniz haqqında həmçinin proqramlaşdırmaya uyğun istənilən mövzuda müzakirələr apara, maraqlı kontentlər paylaşa və s. faydalı fəaliyyətlər yerinə yetirə bilərsiniz.